भिजिट भिसा र व्यक्तिगत श्रम स्वीकृतिको दुरुपयोगले मानव बेचबिखनको रूप फेरियो

काठमाडौँ । मानव बेचबिखन अनुसन्धान ब्युरोले नेपालमा मानव बेचबिखनको स्वरूप परिवर्तन हुँदै गएको र यसमा भिजिट भिसा तथा व्यक्तिगत श्रम स्वीकृतिको दुरुपयोग मुख्य चुनौतीका रूपमा देखा परेको जनाएको छ।

मंगलबार ‘विश्व मानव बेचबिखन विरुद्धको दिवस’ का अवसरमा आयोजित कार्यक्रममा ब्युरोका प्रहरी वरिष्ठ उपरीक्षक नकुल पोखरेलले कार्यपत्र प्रस्तुत गर्दै यसबारे जानकारी गराएका हुन् ।