कांग्रेस संस्थापन इतरको राष्ट्रिय भेला : विभिन्न क्षेत्र संयोजन गर्न १० नेतालाई जिम्मेवारी

काठमाडौँ । नेपाली कांग्रेसको संस्थापन इतर समूहले साउन २९ गतेका लागि तय गरेको राष्ट्रिय भेला सम्पन्न गर्न विभिन्न नेताहरूलाई जिम्मेवारी तोकेको छ ।

सोमबार काठमाडौँको चुनदेवीस्थित सम्पर्क कार्यालयमा बसेको बैठकले भेलालाई व्यवस्थित र सफल बनाउन विभिन्न भ्रातृ तथा शुभेच्छुक संस्थाहरूको समन्वयका लागि नेताहरूलाई जिम्मेवारी बाँडफाँट गरेको प्रचार प्रसार समिति संयोजक मीन विश्वकर्माले मंगलबार जानकारी दिए ।