निर्माणाधीन पुलको खाल्डोको पानीमा डुबेर दिदी–बहिनीको मृत्यु

वीरगन्ज : वीरगन्ज महानगरपालिका–२६ चक्रदहस्थित निर्माणाधीन पुल नजिकैको खाल्डोको पानीमा डुबेको अवस्थामा दुई बालिका मृत फेला परेका छन् । वडा नम्बर २६ सुगौलीका प्रभु ठाकुरकी छोरीहरु ५ वर्षीया पुच्की ठाकुर र ३ वर्षीया घघरी ठाकुर एउटै खाल्डोको पानीमा डुबेको अवस्थामा मंगलबार बिहान मृत फेला परेका हुन् ।

प्रहरीका अनुसार, सोमबार ती बालिका आफना हजुरबुबवा किशोरी ठाकुरसगँ खेतमा गएका थिए । सोमबार बिहान ११ बजेतिर खेतमा गएका बेला हजुरबुबा किशोरीले ती दुवै बालिकालाई तिमीहरु यहिँ बस म तिमीहरुको हजुरआमालाई बोलाएर ल्याउँछु भनेर खेतमै छाडेर गएका थिए । केहि बेरपछि उनी फर्किएर खेतमा आउँदा ती दुवै बालिका त्यहाँ थिएनन् ।