यमनमा फेरि युद्धको जोखिम बढ्दै, हुथी विद्रोहीका लागि किन फरक हुन सक्छ यो पटकको संघर्ष ?

साना । करिब चार वर्षदेखि तुलनात्मक रूपमा शान्त रहेको यमन फेरि पूर्ण युद्धतर्फ धकेलिने संकेत देखिएको छ ।

पछिल्ला केही दिनमा हुथी विद्रोहीहरूले सैन्य गतिविधि तीव्र बनाएका छन् भने सरकारी पक्षका सेनासँग विभिन्न मोर्चामा झडपहरू सुरु भएका छन् । यसले यमनमा पुनः व्यापक गृहयुद्ध सुरु हुने सम्भावनालाई बल दिएको छ । बुधबार हुथी विद्रोहीहरूले लाल सागरमा साउदी अरेबियासँग सम्बन्धित दुईवटा जहाजमाथि मिसाइल र ड्रोन आक्रमण गरेको दाबी गरेका थिए । उनीहरूका अनुसार ती जहाजहरूले साउदी बन्दरगाहमाथि आफूहरूले लगाएको नाकाबन्दी उल्लङ्घन गरेका थिए ।