बाढीका कारण नयाँ सङ्कट, देशका अन्य भागलाई काठमाण्डू जोड्ने पृथ्वी राजमार्गको हिस्सा कटान

सडक विभागका महानिर्देशकले पछिल्लो बाढीले काठमाण्डू जोड्ने मूल सडक पृथ्वी राजमार्गलाई मुन्तिरबाट ठूलो कटान गरेको भन्दै यसलाई रसुवा बाढीले नेपालको सडक संरचनामा पुर्‍याएको सबैभन्दा ठूलो क्षति भनेका छन्।

गत हप्ताको विनाशकारी बाढी लगत्तै कृष्ण भीर क्षेत्रमा त्यस्तो कटान सुरु भएको थियो र आइतवार बिहानको बाढीले त्यसमा सडक चर्किएका विवरणहरू सार्वजनिक भएका थिए।