बिजुलीमा भ्याट लागतका कर हटाउन उज्यालो नेपाल पार्टीको माग

काठमाडौं । उज्यालो नेपाल पार्टीको केन्द्रीय समिति बैठकले देशको दीर्घकालीन आर्थिक रूपान्तरणका लागि ‘हरितक्रान्ति’ लाई राष्ट्रिय अभियानका रूपमा अघि बढाउँदै स्वदेशी उत्पादन, ऊर्जा खपत र सुशासनमा आधारित नयाँ आर्थिक नीतिको माग गरेको छ ।

गत साउन ९ देखि ११ गतेसम्म काठमाडौंमा सम्पन्न ३ दिने बैठकले सर्वसाधारणमाथि थोपरिएको ५ प्रतिशत विद्युत् महसुल भ्याट, राइड सेयरिङको कर र विद्युतीय गाडीमा बढाइएको कर तत्काल फिर्ता लिन सरकारसँग माग गरेको हो ।