आज कस्तो रह्यो शेयर बजार ?

काठमाडौं । नेपाल स्टक एक्सचेन्ज (नेप्से) परिसूचकमा मङ्गलबार सामान्य गिरावट आएको छ। आज नेप्से परिसूचक ४.६४ अंक (०.१७%) ले घटेर २,६९६.६७ विन्दुमा झरेर बन्द भएको छ।

दिनभरको कारोबारमा कुल ३४२ वटा कम्पनीका १ करोड ४ लाख २१ हजार ८६३ कित्ता शेयरहरू ५५,५८० पटकको खरिदबिक्री मार्फत कुल ४ अर्ब ४२ करोड ७३ लाख ५ हजार ५४२ रुपैयाँ बराबरमा कारोबार भएका छन्। आज कारोबार भएकामध्ये ९८ वटा कम्पनीको शेयर मूल्य बढेको छ भने १६६ वटा कम्पनीको घटेको छ, साथै १३ वटा कम्पनीको मूल्य स्थिर रहेको छ।