रास्वपा सांसद पौडेललाई पोखराका मेयर आचार्यको सुझाव: स्थानीय सरकार सञ्चालन ऐन अध्ययन गर्नुस्

पोखरा महानगरपालिकाका मेयर धनराज आचार्यले कास्की क्षेत्र नम्बर २ का प्रतिनिधि सभा सदस्य उत्तमप्रसाद पौडेललाई कानुन र विधि अनुसार अघि बढेको सुकुम्बासी व्यवस्थापन प्रक्रियामा अवरोध नपुर्‍याउन आग्रह गरेका छन्।

सामाजिक सञ्जालमार्फत मेयर आचार्यले सांसद् पौडेललाई ‘स्थानीय सरकार सञ्चालन ऐन’ राम्रोसँग अध्ययन गर्न सुझाव दिएका छन्। महानगरले कानुन हातमा नलिएको स्पष्ट पार्दै उनले सुकुम्बासी तथा अव्यवस्थित बसोबासीको समस्या स्थायी रूपमा समाधान गर्न प्रक्रियागत रूपमा काम भइरहेको बताएका हुन्।