'यदुवंशीनगर' विवादमा अन्तरिम आदेश अस्वीकार, सर्वोच्चले मुद्दालाई दियो अग्राधिकार

काठमाडौँ । रौतहटको फतुवा विजयपुर नगरपालिका वडा नं. ६ को वडा कार्यालयले आफ्नो छाप र लेटरप्याडमा अनधिकृत रूपमा 'यदुवंशीनगर' नाम प्रयोग गरेको भन्दै दायर रिटमा सर्वोच्च अदालतले अन्तरिम आदेश दिन अस्वीकार गरेको छ ।

सर्वोच्चले अन्तरिम आदेश दिन अस्वीकार गरे पनि विषयको संवेदनशीलतालाई मध्यनजर गर्दै अदालतले यस मुद्दालाई चाँडो टुङ्गो लगाउन 'अग्राधिकार' प्रदान गरेको छ ।