मिनीट्रकको छतमा ‘फल्स बटम’ बनाएर लुकाइएको ४५४ केजी गाँजासहित एक जना पक्राउ

काठमाडौँ । महोत्तरीमा मिनीट्रकको छतमा ‘फल्स बटम’ (नक्कली तला) बनाएर अवैध रूपमा ओसारपसार भइरहेको ४५४ किलोग्राम गाँजासहित प्रहरीले एक जनालाई नियन्त्रणमा लिएको छ ।

लागु औषध नियन्त्रण ब्यूरो शाखा कार्यालय बर्दिबासबाट खटिएको प्रहरी टोलीले बर्दिबास नगरपालिका–३ बाट उक्त गाँजासहित ट्रक चालकलाई पक्राउ गरेको हो । पक्राउ पर्नेमा ललितपुरको गोदावरी नगरपालिका–३ ठेगाना भएका २६ वर्षीय विश्व तामाङ रहेका छन् ।