मुख्य मागमा छैन सहमति, डा. केसीलाई सत्तापक्षीय सांसदको थुमथुम्याइ

काठमाडौँ । आफ्ना मागहरू अघि सार्दै डा. गोविन्द केसीले पुनः सुरु गरेको २४ औँ अनशन सत्तापक्षीय सांसदहरूको तीव्र सक्रियतापछि सोमबार चौथो दिनमा स्थगित भएको छ ।

डा. केसीको मुख्य एजेन्डा दशरथ चन्द विश्वविद्यालयका पदाधिकारीहरूलाई बर्खास्त गर्नुपर्ने भए पनि यस विषयमा सम्झौता नै नभई अनशन स्थगित भएको हो । मुख्यतया डा. केसीको पहिलो मागमा उल्लेखित दशरथ चन्द मेडिकल विश्वविद्यालयलगायत चिकित्सा शिक्षा आयोगमा गरिएका गैरकानुनी र स्वार्थपरक नियुक्तिहरू तत्काल बदर गर्ने विषयमा कुनै प्रत्यक्ष सहमति हुन सकेन ।