पोखरामा पर्यटकका लागि ‘क्यूआर कोड’ सेवा सञ्चालन

पर्यटकीय क्षेत्रको चिनारीसँगै सुरक्षित यात्राका लागि आवश्यक सूचना उपलब्ध गराउने उद्देश्यले पोखरामा ‘क्यूआर कोड’ सेवा सञ्चालनमा ल्याइएको छ।

गण्डकी प्रदेश प्रहरी कार्यालय र पोखरा पर्यटन परिषद्को संयुक्त पहलमा सुरु गरिएको उक्त ‘क्यूआर कोड’मार्फत पर्यटकले नेपाल प्रहरीका आपत्कालीन सम्पर्क नम्बर, पर्यटकीय सुरक्षासम्बन्धी जानकारी, आवश्यक सम्पर्क विवरण तथा भ्रमणसम्बन्धी सूचना सहज रूपमा प्राप्त गर्न सक्नेछन्।