नेपाल कानुन आयोग ऐन संशोधनको मस्यौदा तयार, सुझाव दिन मन्त्री सोविता गौतमको आग्रह

काठमाडौँ । कानुन, न्याय तथा संसदीय मामिला मन्त्री सोविता गौतमले ‘नेपाल कानुन आयोग ऐन, २०६३’ लाई संशोधन गर्न बनेको विधेयकको मस्यौदा तयार भएको जानकारी दिएकी छन् । मन्त्री गौतमले मङ्गलबार राति सामाजिक सञ्जालमार्फत भिडियो सन्देश जारी गर्दै यसबारे जानकारी दिएकी हुन् ।

सर्वसाधारण तथा सरोकारवालाहरूको राय सुझावका लागि उक्त मस्यौदा कानुन मन्त्रालयको आधिकारिक वेबसाइटमा राखिएको जनाउँदै उनले संशोधन प्रक्रियामा सहभागी भई अमूल्य सुझाव दिन आग्रह गरेकी छन् ।