बालेन सरकारसँग आशा बोकेर अमेरिकाबाट आए धुर्मुस, रङ्गशालाको हिसाब सल्टाउन निर्णायक प्रयास

काठमाडौँ । परिवारसहित अमेरिका लागेको ६ महिनामै कलाकार सिताराम कट्टेल धुर्मुस नेपाल फर्किएका छन् । छोरीको पहिलो चरणको शल्यक्रिया सकिएपश्चात् गौतमबुद्ध विमानस्थलको हिसाबकिताब सल्टाउने उद्देश्य बोकेर उनी स्वदेश फिरेका हुन् ।

गत मंसिरमा पत्नी कुञ्जना घिमिरे र छोरी सुविहानीसहित धुर्मुस अमेरिका प्रस्थान गरेका थिए । त्यहाँ पुगेलगत्तै उनले एक बकपत्रमार्फत् जटिल शारीरिक समस्याबाट ग्रसित छोरीको उपचारको सहजताका लागि अमेरिकाको ग्रीनकार्ड लिएर आएको सार्वजनिक गरे । अमेरिकाले ‘एक्स्ट्रा अर्डिनरी ग्रीनकार्ड’ दिएकाले धुर्मुसकी छोरीको उपचार अमेरिकामा निशूल्क भइरहेको छ । मुख्य शल्यक्रिया गर्न भने बाँकी नै छ ।