फेवातालमा जथाभावि ‘कायकिङ तथा सर्फिङ’

फेवातालमा पछिल्लो समय एउटा पर्यटकीय गतिविधिमा निकै नै भीडभाड छ। युवापुस्ताका अधिक पर्यटक रमाइरहेको त्यो प्रडक्ट हो–‘कायकिङ र सर्फिङ’। व्यावसायीले कायकिङ र सर्फिङका लागि स्ट्याण्ड अप प्याडल बोट (सुप)प्रयोग गर्छन। पाहुना तिनै बोटमा रमाउँछन्।

तालमा युवायुवतीलाई रमाउनेगरि संचालन गरिएको कायकिङ र सर्फिङमा जती भीड देखिन्छ, त्यत्ति नै जोखिमपूर्ण पनि बन्दै गएको छ। व्यावसायिक दक्षताबिना जथाभावि रुपमा संचालन गरिएका ती प्रडक्ट मौसमी चपेटामा पर्दा तालमा दिनहुँजसो दुर्घटनामा पर्ने गरेका छन। संचालनको दक्षता नहुँदा पनि जोखिम बढेको व्यावसायीले बताएका छन्। अहिलेसम्मका घटनाबाट मानवीय क्षति नभएपनि जोखिम भने अधिक रहेको पर्यटन व्यावसायीको भनाई छ।