विज्ञहरुको भनाइ, ‘यो विश्वव्यापी मापदण्ड हो’

भोटेकोशी बाढीमा परी ज्यान गुमाएका, अङ्गभङ् तथा क्षतविक्षत भएका कारण तत्काल पहिचान खुल्न नसकेका शवलाई वैज्ञानिक प्रमाण सुरक्षित राखेर जमिनमा व्यवस्थापन गरिन लागेको सरकारको भनाइ छ ।

कतिपय शव सङ्लो अवस्थामा नरहेको र कुहिन थालेकाले तत्काल पहिचान गर्न कठिन हुने भन्दै अन्तर्राष्ट्रिय अभ्यासअनुसार आवश्यक सम्पूर्ण सनाखत, प्रमाण सङ्कलन गरी सुरक्षित अभिलेख राखेर शवको व्यवस्थापन गर्न लागिएको हो ।