इरानले ‘सरप्राइज अट्याक’ गरेको अमेरिकाको आरोप

मध्यपूर्वमा एकपटक फेरि ठूलो द्वन्द्वको खतरा बढेको छ। इरानले मध्यपूर्वमा रहेका अमेरिकी सेनालाई लक्षित गर्दै अचानक धेरै ब्यालिस्टिक क्षेप्यास्त्रहरू प्रहार गरेको अमेरिकी सेनाले जनाएको छ।

दुई देशबिचको तनाव कम गर्न र वार्ताको टेबलमा फर्काउन भइरहेको प्रयासका बेला यो हमला भएको हो। अमेरिकी केन्द्रीय कमान्ड सेन्टकमले बुधबार बिहान भएको यो आक्रमणमा प्रहार गरिएका सबै क्षेप्यास्त्रहरूलाई ‘सफलतापूर्वक रोकिएको’ उल्लेख गरेको छ। साथै, अमेरिकी सेनाहरू उच्च सतर्कतामा रहेको पनि बताइएको छ। तेहरानले भने यस आक्रमणमा आफ्नो कुनै पनि प्रकारको संलग्नता नरहेको दाबी गर्दै साउदी अरेबियामा भएका प्रहारहरूसँग इरानको नाम जोडिनु गलत सूचना भएको प्रस्ट पारेको छ।