सुनसरी अझै अशान्त, सद्भाव कायम गर्न अपिल

इटहरी । सुनसरीको देवानगञ्ज गाउँपालिका–३ कप्तानगञ्जमा आइतबार राति भएको हिंसात्मक झडप र प्रहरीको गोलीबाट एक युवकको मृत्यु भएपछि त्यसको प्रभाव मंगलबार पनि सुनसरी र मोरङका विभिन्न क्षेत्रमा फैलिएको छ ।

विरोध प्रदर्शन, चक्का जाम, आगजनी, तोडफोड, बजार बन्द, कफ्र्यु र सुरक्षा सतर्कताका कारण पूर्वी तराईको जनजीवन प्रभावित बनेको छ । जिल्ला प्रहरी कार्यालय सुनसरीका प्रवक्ता डीएसपी चन्द्रबहादुर खड्काका अनुसार मंगलबार साँझसम्म पनि देवानगञ्ज क्षेत्र तनावग्रस्त छ । कोशी गाउँपालिकास्थित लौकही क्षेत्रमा समेत ठूलो संख्यामा मानिसहरू भेला भएपछि नेपाल प्रहरी, सशस्त्र प्रहरी र नेपाली सेनाको संयुक्त टोली परिचालन गरिएको उनले जानकारी दिए ।