डाक्टरको हडतालले उपचार नपाई फर्किँदै बिरामी

सरकारले २०८३ जेठ २५ गते राजपत्रमा सूचना प्रकाशित गरी अस्पताललगायत २५ वटा सेवामा हडताल गर्न नपाइने आदेश जारी गरिसकेको छ । आवश्यक सेवा सञ्चालन ऐन, २०१४ को दफा ३ को उपदफा (१) ले दिएको अधिकार प्रयोग गरी सरकारले राजपत्रमार्फत त्यस्तो आदेश जारी गरेको हो । तर, मुलुकभरका चिकित्सकहरूले सरकारी आदेशको ठाडो उल्लंघन गर्दै अस्पतालमा हडताल गरिरहेका छन्। चिकित्सकमाथिको कुटपिटको विरोधमा चिकित्सकहरूले हडताल गर्दा देशभर हजारौं बिरामी सेवाबाट प्रभावित भएका छन् ।

काठमाडौं/वीरगन्ज : मुलुककै ठूलो वीर अस्पतालको बहिरंग (ओपीडी) विभागमा उपचार गर्न पुगेका बिरामीमध्ये ३ सय ६० जना भाग्यमानी ठहरिए। टोकन प्राप्त बिरामीले उपचार पाए, बाँकी बिरामी फर्किन बाध्य भए।