पहिरोले सडक बगायो, बेँसीसहर–चामे सडक अवरुद्ध

लमजुङ । लमजुङको मर्स्याङ्दी गाउँपालिका–४, श्रीचौरमा पहिरोले सडक बगाउँदा हिमाली जिल्ला मनाङ जाने–आउने एकमात्र बेँसीसहर–चामे सडक अवरुद्ध भएको छ।

यसअघि पनि पहिरो गइरहने उक्त सडकमा मंगलबार राति १ बजेतिर माथिको जंगलबाट पहिरो खसेको हो। करिब ३ सय मिटर माथिबाट आएको पहिरोले सडक बगाउनुका साथै पुरिएको स्थानीय पूर्णबहादुर गुरुङले जानकारी दिए।