उद्योगीका सुझावका आधारमा कर, पूर्वाधार र नीतिगत सुधार गर्ने सरकारको संकेत : चन्द्र ढकाल

काठमाडौं । नेपाल उद्योग वाणिज्य महासंघका निवर्तमान अध्यक्ष चन्द्र ढकालले सरकारले उद्योगी व्यवसायीका सुझावलाई आधार बनाएर आगामी दिनमा कर, पूर्वाधार तथा नीतिगत सुधारका कार्यक्रम अघि बढाउने संकेत दिएको बताएका छन् ।

मंगलबार सञ्चारकर्मीहरुसँग कुराकानी गर्दै ढकालले अर्थमन्त्रीसँग भएको छलफलमा विभिन्न क्षेत्रका उद्योगी व्यवसायीले बजेट कार्यान्वयन, स्वदेशी उत्पादन वृद्धि र आयात प्रतिस्थापनलाई प्रभावकारी बनाउने उपायबारे आफ्ना धारणा राखेको जानकारी दिए ।