२० वर्ष पुरानो पेंगुइनको भिडियो २०२६ मा किन बन्यो भाइरल ?

करिब २० वर्षअघि खिचिएको एउटा पेंगुइनको भिडियो सन् २०२६ मा अचानक सामाजिक सञ्जालमा भाइरल बनेपछि विश्वभर चर्चा भइरहेको छ। “निहिलिस्टिक पेंगुइन” नाम दिइएको यो भिडियो टिकटक, इन्स्टाग्राम र एक्समा लाखौं पटक हेरिएको छ।

भाइरल भिडियो वास्तवमा जर्मन निर्देशक वर्नर हर्जोगको सन् २००७ मा सार्वजनिक भएको डकुमेन्ट्री ‘एन्काउन्टर्स एट द एन्ड अफ द वर्ल्ड’को एउटा दृश्य हो। भिडियोमा एउटा एडेली पेंगुइन आफ्नो समूहबाट अलग भएर समुद्रतर्फ नभई अन्टार्कटिकाको भित्री भागतर्फ एक्लै हिँडिरहेको देखिन्छ।