कर्णालीका मुख्यमन्त्रीका मंगलबहादुर शाहीको शपथ आज

काठमाडौँ- कर्णालीमा मुख्यमन्त्रीका रुपमा नेपाली कम्युनिस्ट पार्टी (नेकपा) संसदीय दलका नेता मंगलबहादुर शाही नियुक्त भएसँगै आज शपथ ग्रहण गर्ने कार्यक्रम रहेको छ।

शाहीले मंगलबार आफ्नो दलका १४ र सत्ता साझेदार नेकपा एमालेका ९ जना प्रदेशसभा सदस्यको समर्थनसहित मुख्यमन्त्रीमा दाबी पेस गरेका थिए। ४० सदस्यीय प्रदेशसभामा सरकार गठनका लागि २० सदस्यको समर्थन आवश्यक पर्छ। शाहीले २३ सदस्यको समर्थन जुटाएपछि नयाँ सरकार गठनको बाटो खुलेको हो।