एनआईसी एशिया बैंकका एटीएम र पीओएसमा अब नेपालपे कार्ड प्रयोग गर्न सकिने

काठमाडौं । एनआईसी एशिया बैंकले डिजिटल बैंकिङ सेवामा नयाँ सुविधा थप्दै नेपालपे कार्डमार्फत हुने भुक्तानी स्वीकार्ने सेवा सञ्चालनमा ल्याएको छ । यससँगै बैंकका एटीएम तथा पीओएस टर्मिनलमा नेपालपे कार्ड प्रयोग गरी सहज रूपमा कारोबार गर्न सकिने भएको छ ।

बैंकका अनुसार यो सेवा नेपाल क्लियरिङ हाउस लिमिटेड (एनसीएचएल) अन्तर्गत सञ्चालित नेपालपे कार्ड नेटवर्कसँग आबद्ध गरिएको हो । यसले नेपालपे कार्ड प्रयोगकर्तालाई देशभर बैंकका विभिन्न भुक्तानी माध्यममार्फत सुरक्षित र सहज कारोबार गर्ने सुविधा प्रदान गर्नेछ ।