निगमले भन्यो- कृष्णभीरमा सडक अवरुद्ध भएपछि वैकल्पिक मार्गबाट ग्यास र इन्धन ल्याइँदैछ

पृथ्वी राजमार्गअन्तर्गत धादिङको कृष्णभीर खण्डमा बाढीका कारण सडक अवरुद्ध भएपछि नेपाल आयल निगमले वैकल्पिक मार्गमार्फत काठमाडौं उपत्यका र आसपासका क्षेत्रमा एलपी ग्यास तथा पेट्रोलियम पदार्थको आपूर्ति व्यवस्था मिलाएको छ।

निगमका अनुसार आइतबार त्रिशूली नदीमा आएको भीषण बाढीले धादिङको बेनिघाट रोराङ्ग गाउँपालिका–७ स्थित कृष्णभीर खण्डमा सडक कटान गर्दा नियमित ढुवानी अवरुद्ध हुन पुगेको हो।