थ्रेड्स प्रयोगकर्ताले अब इनबक्समै मेटा एआईसँग निजी रूपमा कुराकानी गर्न सक्ने

काठमाडौं । मेटाले आफ्नो सामाजिक सञ्जाल प्लेटफर्म थ्रेड्समा निजी सन्देश (DM) मार्फत मेटा एआई च्याटबोट उपलब्ध गराउन थालेको छ । यससँगै प्रयोगकर्ताले अब थ्रेड्सको इनबक्समै मेटा एआईसँग प्रत्यक्ष तथा निजी रूपमा कुराकानी गर्न सक्ने भएका छन् ।

यसअघि केही देशका प्रयोगकर्ताले सार्वजनिक पोस्टमार्फत मात्र मेटा एआई प्रयोग गर्न पाउने सुविधा उपलब्ध थियो । नयाँ अपडेटपछि भने प्रयोगकर्ताले डीएमभित्रै एआईसँग संवाद गर्न, प्रश्न सोध्न तथा विभिन्न कार्यमा सहयोग लिन सक्नेछन् ।