आन्तरिक सुरक्षा कसरी मजबुत पार्ने ?

नेपाल अहिले राजनीतिक संक्रमणको चरणमा मात्र छैन । क्रमशः यस्तो अवस्थातर्फ उन्मुख देखिन्छ, जहाँ सामाजिक ध्रुवीकरण, आर्थिक निराशा, कमजोर संस्थागत क्षमता तथा सार्वजनिक विश्वासको ह्रासले आन्तरिक सुरक्षा र राष्ट्रिय सुरक्षा दुवैमाथि नयाँ प्रकृतिका चुनौतीहरू सिर्जना गरिरहेका छन्।

यी चुनौतीहरू कुनै एक घटनाको परिणाम मात्र होइनन् । बरु राज्य, समाज र नागरिकबीचको विश्वास क्रमशः कमजोर हुँदै गएको दीर्घकालीन प्रक्रियाका संकेत हुन्।