पोखरामा पर्यटकलाई हैरानी दिने ८ जना पक्राउ

पर्यटकलाई हैरानी गर्ने ८ जनालाई प्रहरीले पक्राउ गरेको छ।आफ्नो तरिकाले हिँडिरहेका पर्यटकलाई अनावश्यक रूपमा दुःख दिने तथा हैरानी गर्ने ८ जनालाई कास्की प्रहरीले पोखराको बिरौटा र हल्लनचोकबाट पक्राउ गरेको हो।

आन्तरिक तथा बाह्य पर्यटक तथा यात्रुहरूलाई आफूले भनेको होटेल जानै पर्ने भन्दै अनावश्यक रूपमा हैरान पारेकाले उनीहरूलाई पक्राउ गरेको जिल्ला प्रहरी कार्यालय कास्कीका सूचना अधिकारी प्रहरी नायव उपरीक्षक (डिएसपी) बिरेन्द्रकुमार पासवानले जानकारी दिए।