निर्वाचन प्रणाली कम खर्चिलो र पारदर्शिता बनाउन सुझाव

काठमाडौँ । संघीय संसद्को संसदीय सुनुवाइ समितिका सांसदहरूले निर्वावन प्रणाली कम खर्चिलो, पारदर्शिता र सहज बनाउनुपर्नेमा जोड दिएका छन् ।

सिंहदरबारस्थित समितिको आजको बैठकमा प्रस्तावित प्रमुख निर्वाचन आयुक्तमा मानबहादुर कार्कीको सुनुवाइका क्रममा सांसदहरूले विदेशमा रहेका नेपालीको मदाताधिकारको सुनिश्चितता, नो भोटको व्यवस्था, अन्तरजिल्ला मतदान, निर्वाचनलाई प्रविधिमैत्री तुल्याउनेलगायत विषयमा चासो र जिज्ञासा राखेका हुन् ।