१० ऐतिहासिक नेपाली चलचित्रले पाए ‘युनिभर्सल’ प्रमाणपत्र

तत्कालीन शाही नेपाली चलचित्र संस्थानबाट निर्माण भएका तथा चलचित्र विकास बोर्डअन्तर्गतको चलचित्र सङ्ग्रहालयमा डिजिटाइज गरी सुरक्षित राखिएका १० ऐतिहासिक नेपाली चलचित्रको जाँचपास प्रक्रिया सम्पन्न भएको छ।

जाँचपास भएका सबै चलचित्रले सबै उमेर समूहका दर्शकले हेर्न मिल्ने ‘युनिभर्सल’ प्रमाणपत्र प्राप्त गरेका छन्। चलचित्रहरूको जाँचपाससम्बन्धी पत्र तथा प्रमाणपत्र श्री उदयबहादुर राणाले चलचित्र विकास बोर्डका अध्यक्ष श्री दिनेश डीसीलाई हस्तान्तरण गरेका छन्।