नेप्सेमा गिरावट कायम, कारोबारमा पनि संकुचन

काठमाडौं- सेयरबजारमा गिरावट कायम, नेप्से ७.७९ अंकले घट्दा कारोबार पनि खुम्चियो काठमाडौं । नेपाली सेयरबजारमा बिहीबार पनि गिरावटको प्रवृत्ति कायम रहेको छ ।

नेपाल स्टक एक्सचेन्ज (नेप्से) परिसूचक ७.७९ अंकले घट्दै २६८८.८८ विन्दुमा झरेको हो । बजारसँगै कारोबार रकममा पनि संकुचन देखिएको छ, जसले लगानीकर्तामा अझै पनि सतर्कता कायम रहेको संकेत गरेको छ । नेप्सेका अनुसार आज कुल ९७ लाख कित्ता सेयर खरिद–बिक्री हुँदा ४ अर्ब २ करोड रुपैयाँ बराबरको कारोबार भएको छ ।