चिकित्सक आन्दोलन समाधानको पहलमा अनौपचारिक वार्ता सुरु

देशभरका चिकित्सकको आन्दोलनका बीच सरकार र चिकित्सक प्रतिनिधिबीच संवादको प्रक्रिया अघि बढेको छ। आन्दोलनको निकास खोज्ने उद्देश्यले स्वास्थ्य तथा खाद्य स्वच्छता मन्त्रालयमा बुधबार दुवै पक्षबीच अनौपचारिक छलफल सुरु भएको हो।

मन्त्रालयमा भइरहेको छलफलमा नेपाल चिकित्सक सङ्घले उठाएका मागहरूबारे प्रारम्भिक रूपमा विचारविमर्श भइरहेको मन्त्रालयका सहप्रवक्ता डा. समिरकुमार अधिकारीले जानकारी दिए। उनका अनुसार अनौपचारिक छलफलपछि दुवै पक्षबीच औपचारिक वार्ता अघि बढाइनेछ।