चिकित्सक आन्दोलनपछि पर्साका प्रहरी प्रमुख फेरिए

काठमाडौं- वीरगञ्जस्थित नारायणी अस्पतालमा चिकित्सकमाथि भएको दुर्व्यवहार र सांघातिक आक्रमणको घटनापछि चर्किएको आन्दोलनका बीच पर्साका प्रहरी प्रमुख (एसपी) सुदीप पाठकको सरुवा भएको छ। चिकित्सक वार्ता टोलीले प्रमुख जिल्ला अधिकारी (सिडियो) र प्रहरी प्रमुखको सरुवालाई प्रमुख सर्त बनाएपछि गृह प्रशासनले एसपी पाठकलाई काठमाडौं उपत्यका प्रहरी कार्यालय रानीपोखरी तानेको हो।

पाठकको स्थानमा जिल्ला प्रहरी परिसर काठमाडौँमा कार्यरत एसपी पवनकुमार भट्टराईलाई पर्साको प्रहरी प्रमुख बनाएर पठाइएको छ।