पर्साका एसपी पाठक फिर्ता, भट्टराईलाई कमान्ड

काठमाडौं । चिकित्सक आन्दोलनको मागअनुसार प्रहरी प्रधान कार्यालयले जिल्ला प्रहरी कार्यालय पर्साका प्रमुख (एसपी) सुदीपराज पाठकलाई त्यहाँबाट फिर्ता बोलाएको छ। उनको स्थानमा एसपी पवनकुमार भट्टराईलाई जिम्मेवारी दिइएको छ।

केन्द्रीय प्रहरी प्रवक्ता डीआईजी अबिनारायण काफ्लेका अनुसार एसपी पाठकको काठमाडौं उपत्यका प्रहरी कार्यालयमा काज सरुवा गरिएको हो। पर्साको जिम्मेवारी सम्हाल्न गएका एसपी भट्टराई यसअघि जिल्ला प्रहरी परिसर काठमाडौंमा कार्यरत थिए। उनी परिसरको प्रवक्ताको जिम्मेवारीसमेत सम्हालिरहेका थिए।