बजेट खर्चमा पर्यटन मन्त्रालय कमजोर, पूर्वाधार र सम्पदा संरक्षणका योजना प्रभावित

काठमाडौं । संस्कृति, पर्यटन तथा नागरिक उड्डयन मन्त्रालयले गत आर्थिक वर्ष २०८२/८३ मा विनियोजित बजेटको एक तिहाइभन्दा कम रकम मात्र खर्च गर्न सकेपछि पर्यटन क्षेत्रसँग सम्बन्धित विकास योजना र पूर्वाधार निर्माणको गति अपेक्षाअनुसार अघि बढ्न नसकेको देखिएको छ।

मन्त्रालयको चौथो त्रैमासिक प्रगति विवरणअनुसार कुल ७ अर्ब ६८ करोड रुपैयाँ बजेटमध्ये करिब २ अर्ब ४३ करोड रुपैयाँ मात्र खर्च भएको छ। यस आधारमा समग्र बजेट खर्च ३१.६८ प्रतिशतमा सीमित भएको हो। विशेषगरी पूँजीगत खर्च १६.२१ प्रतिशत मात्र रहनुले पर्यटन पूर्वाधार, सांस्कृतिक सम्पदा संरक्षण तथा गन्तव्य विकासका कार्यक्रम प्रभावित भएको संकेत गरेको छ।