झडप रोकिएको देवानगन्जमा त्रास रोक्ने उपायको खोजी

सुनसरीको देवानगन्जमा आइतबार रातिदेखि सुरू भएको हिंसात्मक तनावपछि बुधबार पहिलोपटक गाउँलेले थोरै भए पनि राहत महसुस गरे।

नेपाली सेना सहित सुरक्षा निकायको बाक्लो परिचालन र सरकारी अधिकारीहरूको निरन्तर उपस्थितिका कारण दिनभर झडप भएन। अन्यत्र फैलिएको लगातारको प्रदर्शन पनि छिटपुट रूपमा मात्रै हुँदा बुधबार सुनसरी यसअघिभन्दा शान्त रह्यो।