‘सुन्दरहरैंचाका महिलालाई सीप, सम्मान र नयाँ अवसर’

सुन्दरहरैंचा (मोरङ) । मोरङको सुन्दरहरैंचा नगरपालिका–९ को आर्थिक सहयोग तथा सिद्धार्थ स्किल डेभलोपमेन्ट प्रा.लि. को आयोजनामा सञ्चालन गरिएको नौमती बाजा बजाउने तालिम सम्पन्न भएको छ।

स्थानीय महिलालाई सीपयुक्त, आत्मनिर्भर तथा नेपाली मौलिक संस्कृति संरक्षणतर्फ अभिप्रेरित गर्ने उद्देश्यले सञ्चालन गरिएको तालिमको समापन कार्यक्रममा सहभागीहरूलाई प्रमाणपत्रसहित सम्मानस्वरूप सारी वितरण गरिएको थियो।