सुनसरी घटना : सर्वदलीय अपिल, सीमामा कडाइ

इटहरी । सुनसरीको देवानगञ्ज–३ कप्तानगञ्जमा आइतबार राति भएको हिंसात्मक घटनापछि उत्पन्न तनावलाई नियन्त्रणमा लिन राजनीतिक दल, कोशी प्रदेश सरकार र सुरक्षा निकायले एकैसाथ शान्ति, सुरक्षा र सामाजिक सद्भावका पहल अघि बढाएका छन् । बुधबार एकातिर सर्वदलीय बैठकले संयुक्त अपिल जारी ग¥यो भने अर्कोतर्फ प्रदेश सरकारले राहत घोषणा गर्दै सीमा सुरक्षा थप कडा बनाएको छ ।

राष्ट्रिय स्वतन्त्र पार्टी (रास्वपा)का सभापति रवि लामिछानेको पहलमा बसेको सर्वदलीय बैठकले सामाजिक सद्भाव र राष्ट्रिय एकतालाई जोगाउन सातबुँदे संयुक्त वक्तव्य जारी गर्दै सबै नागरिकलाई संयमता अपनाउन आग्रह गरेको छ ।