त्रिवि उपकुलपतिका १० उम्मेदवार : पूर्वउपकुलपतिदेखि विदेशी विश्वविद्यालयका प्राध्यापकसम्म

२४ जेठ, काठमाडौं । त्रिभुवन विश्वविद्यालयको उपकुलपतिका लागि पूर्वउपकुलपतिदेखि विदेशी विश्वविद्यालयको प्राध्यापकसम्म प्रतिस्पर्धामा छन् । सिफारिस समितिले शुक्रबार १० जनाको सर्टलिस्ट सार्वजनिक गरेको हो ।

समितिले वर्णानुक्रमअनुसार सार्वजनिक गरेको अल्पसूचीमा प्रा.डा. अमरप्रसाद यादव छन् । उनी राजर्षिजनक विश्वविद्यालयका पूर्वउपकुलपति हुन् । सरकारले अध्यादेशबाट सबै विश्वविद्यालयको उपकुलपतिलाई बर्खास्त गरेपछि उनी बाहिरिएका थिए । यसपटक उनी त्रिवि उपकुलपतिको दौडमा छन् ।