ट्युनिसियाविरुद्ध नेदरल्याण्ड्सको सानदार सुरुवात, पहिलो हाफमै २–० को अग्रता

काठमाडौँ । अमेरिकाको क्यानसास सिटी स्टेडियममा भइरहेको फिफा विश्वकप २०२६ अन्तर्गत समूह ‘एफ’ को अन्तिम खेलमा नेदरल्याण्ड्सले ट्युनिसियाविरुद्ध पहिलो हाफमा २–० को बलियो अग्रता बनाएको छ । समूह चरणको यो निर्णायक खेलमा नेदरल्याण्ड्सले खेलको सुरुवातमै ट्युनिसियालाई दबाबमा राख्न सफल भएको हो ।

खेलको तेस्रो मिनेटमै ट्युनिसियाका एलिज स्किरीले आत्मघाती गोल गरेपछि नेदरल्याण्ड्सले उपहारस्वरूप सुरुवाती अग्रता पाएको थियो । त्यसको लगत्तै सातौँ मिनेटमा ब्रायन ब्रोबेले भर्जिल भान डाइकको पासमा उत्कृष्ट गोल गर्दै टोलीको अग्रता दोब्बर बनाए । पहिलो हाफको बाँकी समयमा ट्युनिसियाले गोल फर्काउने प्रयास गरे पनि सफल हुन सकेन र खेल २–० को स्थितिमा हाफ–टाइममा पुग्यो ।