विश्वकप क्रिकेट लिग–२- त्रिकोणात्मक सिरिजमा नेपालको लगातार चौथो हार

काठमाडौँ । आईसीसी विश्वकप क्रिकेट लिग–२ अन्तर्गत भएको त्रिकोणात्मक सिरिजमा नेपालले लगातार चौथो हार बेहोरेको छ । बुधबार राति सम्पन्न खेलमा नेपाल नेदरल्यान्ड्ससँग ५७ रनले पराजित भएको हो ।

जितको लागि २ सय २६ रनको विजयी लक्ष्य पछ्याएको नेपालले ४८ ओभरमा अलआउट हुँदै १ सय १ सय ६८ रनमात्र बनाउन सक्यो । नेपालको लागि आसिफ शेखले सर्वाधिक ३८ रन बनाउँदा अन्य ब्याट्सम्यानले उल्लेखनीय योगदान दिन सकेनन् । उनले ७८ बलमा २ चौकाको मद्दतमा ३८ रन बनाए । यस्तै कप्तान रोहित पौडेलले २६, करण केसीले २३, इशान पाण्डेले १६, हेमन्त धामीले नटऔट १५, गुलसन झाले ११ र भीम शार्कीले १० रन बनाए ।