दुई सातादेखि यातायात विभागको 'सिस्टम'मा अवरोध, कहाँकहाँ 'खुल्यो', अन्त कहिले खुल्छ?

करिब साढे २७ लाख सवारी चालक अनुमतिपत्र लाइसन्स छापेर कैयौँ वर्षदेखि चिर्कटो बोकेर हिँड्नुपर्ने समस्या सुल्झाएको यातायात व्यवस्था विभाग दुई सातादेखि नयाँ समस्यामा फस्न पुगेको देखिएको छ।

"यातायातसम्बन्धी सेवाहरूलाई थप सेवाग्राहीमैत्री र थप व्यवस्थित" बनाउन भन्दै नयाँ आर्थिक वर्षको पहिलो दिन साउन १ गतेदेखि नयाँ प्रणाली कार्यान्वयनमा ल्याएपछि राजस्व सङ्कलन गर्ने, विशेषतः लाइसन्ससँग सम्बन्धित काम दुई सातादेखि अवरुद्ध हुन पुगेको हो।