ईपीएस आवेदकको भीड बढेपछि राहदानी सेवा विस्तारित, बिदाका दिन पनि खुला रहने

काठमाडौं । दक्षिण कोरियाको रोजगार अनुमति प्रणाली (ईपीएस) अन्तर्गत आवेदन दिन चाहने युवाको संख्या बढेसँगै राहदानी विभागले सेवा समय विस्तार गरेको छ। सेवाग्राहीको चाप व्यवस्थापन गर्न विभागले आगामी साउन १४ गतेदेखि २२ गतेसम्म विशेष कार्यतालिका लागू गर्ने जनाएको छ।

विभागद्वारा जारी सूचनाअनुसार उक्त अवधिमा विद्युतीय राहदानीसम्बन्धी सेवा दैनिक दुई चरणमा सञ्चालन हुनेछ। पहिलो चरण बिहान ७ बजेदेखि दिउँसो २ बजेसम्म र दोस्रो चरण दिउँसो २ बजेदेखि राति ९ बजेसम्म सञ्चालन गरिनेछ।