‘श्रुति’को १४औं वार्षिक साधारण सभा सम्पन्न

काठमाडौँ । सुस्त श्रवण तथा पछि बहिरा भएका व्यक्तिहरूको संस्था ‘श्रुति’को १४औं वार्षिक साधारण सभा आइतबार काठमाडौँमा सम्पन्न भएको छ ।

२०६९ साल श्रावण ३१ गते स्थापित यस संस्थाले स्थापनाकालदेखि नै सुस्त श्रवण भएका व्यक्तिहरूको पहिचान, हक–अधिकार, शिक्षा, स्वास्थ्य, रोजगारी तथा सामाजिक समावेशीकरणका क्षेत्रमा निरन्तर काम गर्दै आएको छ। हाल यस संस्थामा ४०—५० जना सदस्यहरू आबद्ध रहेका छन् भने देशभरका करिब ३०० जना सुस्त श्रवण भएका व्यक्तिहरू संस्थाको सम्पर्कमा छन्। बाँके, धनगढी र रुपन्देही लगायतका स्थानहरूमा समेत स्थानीय सञ्जाल विस्तार गरिएको संस्थाले जनाएको छ।