इन्टर्न चिकित्सक र नर्सिङ अभियन्ताद्वारा आन्दोलनको चेतावनी, माग पूरा नभए अनशनमा बस्ने घोषणा

काठमाडौं- स्वास्थ्य क्षेत्रमा एकपछि अर्को आन्दोलन भइरहेका बेला अब इन्टर्न चिकित्सक र नर्सिङ क्षेत्रका अभियन्ताले पनि आन्दोलनको चेतावनी दिएका छन्। वरिष्ठ चिकित्सक डा. गोविन्द केसीको आमरण अनशन हालै सकिएको र नेपाल चिकित्सक संघको आन्दोलन बुधबारदेखि स्थगित भएको अवस्थामा इन्टर्न चिकित्सक र नर्सिङ क्षेत्रले आफ्ना माग तत्काल सम्बोधन गर्न सरकारलाई दबाब दिएका हुन्।

एमबिबिएस तथा बिडिएस इन्टर्न स्टाइपेन्ड एकरूपता अभियान, नेपालका संयोजक डिल्ली हरिजन ले कार्यदलको प्रतिवेदनअनुसार निर्णय नभए २०८३ साउन १९ गते बिहान १० बजेदेखि काठमाडौंको माइतीघर मण्डलामा आमरण अनशन सुरु गर्ने घोषणा गरेका छन्।