भ्रामक औषधि विज्ञापन रोक्न विज्ञापन बोर्डलाई आयुर्वेद चिकित्सक संघको आग्रह

काठमाडौं- नेपाल आयुर्वेद चिकित्सक संघ (एडान) ले आयुर्वेद औषधिको नाममा सञ्चारमाध्यम, सामाजिक सञ्जाल तथा डिजिटल प्लेटफर्ममार्फत प्रसारित भइरहेका भ्रामक, अतिरञ्जित तथा गैरकानुनी स्वास्थ्यसम्बन्धी विज्ञापन तत्काल रोक्न विज्ञापन बोर्डसँग आग्रह गरेको छ।

संघका महासचिव डा. ऋषि केशव भुषाल र अध्यक्ष डा. शंकर गौतमद्वारा हस्ताक्षरित पत्रमार्फत विज्ञापन बोर्डलाई कानुनविपरीत रहेका विज्ञापनमाथि आवश्यक अध्ययन गरी तत्काल रोक लगाउन तथा हटाउन पहल गर्न अनुरोध गरिएको हो।