मेटाको एल्गोरिदमले कसरी काम गर्छ ? फेसबुक र इन्स्टाग्रामले तपाईंलाई कुन पोस्ट देखाउने भनेर कसरी तय गर्छ ?

काठमाडौं । के तपाईंले कहिले सोच्नुभएको छ, फेसबुक खोल्नेबित्तिकै केही विशेष प्रकारका पोस्टहरू किन सबैभन्दा माथि देखिन्छन् ? कुनै एक साथीको पोस्ट तुरुन्तै देखिन्छ, तर अर्को साथीको पोस्ट भने धेरै दिनसम्म पनि देखिँदैन । इन्स्टाग्राममा पनि यस्तै हुन्छ । कहिले काहीँ आफूले फलो नै नगरेको कुनै क्रिएटरको रील्स अचानक स्क्रिनमा देखा पर्छ ।

यी सबैको पछाडि मेटाको एल्गोरिद्म (Meta Algorithm) ले काम गरिरहेको हुन्छ । हालै भारतीय प्रधानमन्त्री नरेन्द्र मोदीको एउटा भिडियो पोस्ट केही समयका लागि गल्तीवश हटाइएपछि मेटाको एल्गोरिद्म फेरि चर्चामा आएको छ । मेटाले २३ जुलाई २०२६ मा पोस्ट गरिएको उक्त भिडियो गल्तीले हटेको स्वीकार गर्दै माफी समेत मागेको थियो । यो पहिलो पटक भने होइन । यसअघि पनि मेटाको एल्गोरिद्ममाथि केही सामाग्रीलाई दबाउने वा अनावश्यक रूपमा प्रवर्द्धन गर्ने आरोपहरू लाग्दै आएका छन् ।