मितेरी पुल पुनर्निर्माणपछि रसुवागढी नाका खुल्दै

गत असार २४ गते आएको बाढीले क्षतिग्रस्त बनाएको गोसाइँकुण्ड गाउँपालिका –२ रसुवागढीस्थित मितेरी पुलको पुनर्निर्माण सम्पन्र भएसँगै नेपाल–चीन सीमावर्ती रसुवागढी नाका भोलिदेखि सञ्चालनमा आउने भएको छ ।

चिनियाँ पक्षले आज सार्वजनिक गरेको सूचनाअनुसार भोलि आइतबारदेखि नाका औपचारिक रुपमा खुला हुने जनाइएको छ । प्रमुख जिल्ला अधिकारी राजेश पन्थीका अनुसार भोलिदेखि सीमापार ढुवानीमा संलग्न नेपाली सवारी चालकहरु मात्र चीनतर्फ प्रवेश गर्न पाउने छन् ।