सुनसरी घटनामा सरकार मौन बसेकोमा बासना थापाको आपत्ति [भिडियो]

काठमाडौँ । प्रमुख प्रतिपक्ष दल नेपाली कांग्रेसकी प्रमुख सचेतक बासना थापाले सुनसरीको कप्तानगञ्जमा भएको झडपमा परी एक युवकको मृत्यु भएको घटनालाई लिएर सरकार र प्रधानमन्त्रीको कार्यशैलीप्रति आपत्ति जनाएकी छन्।

प्रतिनिधिसभाको बिहीबारको बैठकमा विशेष समय लिएर बोल्दै उनले प्रहरीको गोली लागेर नागरिकको ज्यान गएको घटनाप्रति गहिरो दुःख व्यक्त गरिन्। उक्त घटनाको सम्पूर्ण जिम्मेवारी सरकारले लिनुपर्ने र निष्पक्ष तथा विश्वसनीय छानबिन हुनुपर्ने माग गर्दै उनले नागरिकले ज्यान गुमाउँदा सरकारले देखाएको उदासीनताले राज्यप्रतिको भरोसा कमजोर बनाएको बताइन्।