प्रदर्शनपछि मोरङ प्रशासनअगाडि ‘ब्यारिकेड’

काठमाडौं । सुनसरीको देवानगञ्ज घटनाका विषयमा जिल्ला प्रशासन कार्यालय मोरङअगाडि प्रदर्शन भएपछि ‘ब्यारिकेड’ राखिएको छ । घटनामा संलग्नमाथि कारबाही हुनपर्ने मागसहित बिहीबार (साउन १४) विराटनगर बजार क्षेत्रमा प्रदर्शन गरिएको हो ।

मेनरोडस्थित हनुमान मन्दिर क्षेत्रबाट नाराबाजी गर्दै प्रदर्शनकारी प्रशासन कार्यालयअगाडि पुगेपछि सुरक्षा तैनाथी बढाइएको छ । जिल्ला प्रशासन कार्यालयको गेटअगाडि सुरक्षाकर्मीले ब्यारिकेड खडा गरेर प्रदर्शनकारीलाई रोकेर राखेका छन् ।